真濟人生的趣味佮感動攏發生佇咱生活邊，愛用心去感受，著會看著無共款的角度；人佮貓仔的世界、都市佮庄跤的生活、孤單佮快樂的人生、傷心毋敢面對的代誌，一項一項佇人的人生演出。

選擇「阿媽」做主要媒材，是因為佇創作這件作品的時陣，作者會當任意進入冥觀的範圍中走揣性命價值的陳述，佮阿媽的另外一款性命閣一擺進行了上直接的對話。佇作品內底，作者試圖呈現「阿媽」對自我性命的深層觀照而且不自覺；試圖解讀祖孫兩人之間隱藏的私密感情，享受著其中的溫暖。這份文字符號的創作核心，著佇咧傳達作者想欲用生活記錄激情、激情創新生活的價值觀，予每一个人攏會當對生活中去接觸彼寡予人難以割捨的真正的「感動」。

這篇散文是我佇母親節彼工閣留佇宿舍無轉去厝的時雄雄想著想欲對阿母講的話，但是當tiû並無共伊(kāi)寫落來，嘛無真正寄轉去，是過一陣liáu-āu，kám-kak應該愛保存起來，所以就寫成這篇批的形式的散文。

作者佇兩冬前讀著杜正勝先生彼篇《佮阿爸講上久的一遍話》，心肝內有深深的感動，所以就決定為著家己的阿爸寫一篇文章，共心目中阿爸的形象佮欲對阿爸講的心內話攏總寫佇內底，用平常時佮阿爸講話的語言來寫一篇予阿爸的文章，作者希望有一工會使共這篇文章唸予阿爸聽。

記憶中，祖母的印象，漸漸隨著逐漸蛻變的都市，緩緩地從我的腦中散去，為了能在有限的流轉不止的時間長廊中，保留有我對我祖母的一縷深情，以及對這塊土地的一抹眷戀，於是，我手寫我口。

我是讀台灣語文學系的學生，我嘛是入來到台文系了後才學會曉台灣羅馬字，佇台文系學習的這段時間內面，我學著真濟物件，嘛有真濟感想，所以想欲共這三年來的感想寫出來。

前一站仔佇新聞上看著東石鄉大家拍傷新婦的新聞，予我想著我的阿媽佮阿母的關係長期以來iah是無好。藉由這篇文章我希望表達出家己的無奈佮我對大家佮新婦應該按怎相處的看法。

台灣歌謠有真深沉的學問，台灣社會因為長期受到政治的影響，歌謠的創作嘛展現無仝的時代背景。來到台灣語文學系，我開始了解家己所生長的台灣，對台灣這塊土地頂懸的文化有無仝款的感覺佮體會。較早遐的歌謠的作曲家、作詞家，真正是台灣的重要人物，因為一條歌的流傳是真無簡單的代誌，所以需要有人來記錄佮保存，才袂予台灣遮爾媠寶貝消失去！

原本歡歡喜喜到花蓮旅行，但是佇泛舟的過程發生了一點仔意外，予逐家留下了永遠袂當放袂記得回憶。這遍旅行當中看著花蓮原住民的文化，看著東部海岸美麗的風景，心內有濟多的感動佮想法。藉這次寫作的機會，佮過程中的感覺佮泛舟的經驗作一个分享，希望會有愈濟人會當欣賞咱的土地，關心咱的文化。

教育是現時真重要的議題，特別是針對母語教育這方面，作者想欲透過人物中的生活經驗，講出咱愛注重母語教育，培養後一代母語教育的種子，用這篇散文來提醒咱母語教育的重要性，也愛尊重逐族群的文化、語言。

有一工踅街的時陣看到一間仔店，想起細漢的時陣外公開的仔店，對外公的思念予我有這篇文章的靈感。

香燈跤是以前對進香客的稱呼。因為拿著香與燈籠在夜間行走，香燈跤寫實的描寫了進香客的模樣。在台灣這個樸實的國家，擁有許多非常特殊且豐富的宗教信仰，尤其是媽祖的信仰更是撼動人心。我將我的進香初體驗寫成一篇文章，感覺人與人之間還有與土地的情感，通通繫在媽祖身上，等到我回來沈澱後，才發現，這一切，終究回到台灣這塊孕育我們的土地上，所以寫下這篇文章，來紀念自己的初次進香，也看見台灣的美麗。

藉著出遊的經過紹介台灣景點佮客家特色，用輕鬆閣趣味的語調為台語創作注入新的性命力，跳脫大眾對台語文學攏是離袂開鄉村鄉土的刻板印象，台語創作嘛會當真有趣味，少年有活力！

透過阿公定定坐的竹仔椅，描寫我印象中阿公的形象，閣有平常時阿公佮我兩人之間的互動。