家己是台灣人，受的煞是華語教育，讀冊的過程中，甚至看輕家己的母語！只是，華語文按怎寫，嘛寫袂出心肝窟仔的聲嗽。
佳哉！天公伯仔疼惜，予我有緣佮台語文學相逢，感覺規身軀筋脈通tháu，真歡喜揣著家己失落誠久的本質，也因為這個機緣，予我會當全心投入教學佮寫作的工課，一路上，那教、那學、那寫、閣較愛感謝濟濟的前輩佇困難中堅持，母語才有puh-ínn、生湠的今仔日……
母語文學佇台灣，猶佇石頭縫裡求生存，我會努力拍拚，共種子繼續掖……

逐个人的成長過程中，攏有一寡上愛數念的代誌，人講，飲水著思源頭，食果子拜樹頭，陳溝溪這條毋是真長，嘛無真闊，地圖揣無這个名的溝，有真濟我無法度袂記的點點滴滴，雖然台灣島行透透，看過比陳溝溪光景較媠較好耍的所在有夠濟，就算講有一段期間，陳溝溪布袋蓮滿滿是，臭甲無人敢倚去；我猶是逐年攏會去行幾擺仔，佇我的心內，陳溝溪毋若是庇蔭阮這幾个庄頭的水神，嘛是一个值得我紹介予逐家去行一逝的好所在。

最近因為阿母佮我破病，予我想著體力不比較早，珍惜有限的日子，想欲寫佇我彼个年代的記持。阿爸佇工作中意外不幸過身，留下七个子女，陳情無效被迫離開，阿母開始出外上班，一直到七十九歲才退休。
阿母婚前作五、六甲田、厝裏家教真嚴，婚後，是一个標準的家庭主婦，因為毋捌字，對自己權益自然就揣無門路，佇這篇文章中感受著當時社會生活的情景冷暖佮無奈，行過苦難阮嘛行出一片天，因為一枝草一點露。

《基隆港的查某囝》是用筆搵著目屎所寫出來的，無深思的話句，也無用罕看的字來表達，但是每一字每一句攏是目屎糊目墘寫出來的，佇我思考欲落筆的時，見若是想著我老爸就感覺嚨喉束起來，目箍隨紅目澹目滴，為何我欲寫這篇文章？因為基隆港是阿爸一世人奮鬥的所在，有阮阿爸的影跡，阿爸靠基隆港做苦力趁流汗錢共我飼大漢，爸母攏無去矣，所以我對基隆港有真深真深的感情，我用此文來紀念亡父，寫到這我的目睭閣澹矣。

寫這篇文章一來是欲向理事長翁仔某說多謝，二來是欲共這擺耍也耍甲足歡喜，學也學足濟的「烏龍之行」，用家己的母語記落來做紀念，一方面鍛練家己台語文的能力，另外一方面和大家分享，希望引起較濟人對台語的興趣，較捷講，較捷寫。按呢台語的復興就較有希望。
文中儘量避免出現中國話的詞彙，無勉強插入台灣的俗語、諺語、用非常白話的方式，讀者看著才會感覺親切佮趣味。

三十年前，就曾有過想用閩南語寫作的念頭，因時空因素不夠成熟，加上自己對閩南語的字、音認識不夠多，所以擱了下來。
直到最近才又燃起了用母語寫作的火種。努力學習，拚命吸收，終於有了成果，可以用自己的母語，寫自己看到的、想說的種種事物，也算得償多年來，想用閩南語寫作的心願。
從小到大，父親和我最親，他老人家的言行影響我最深，在父親過逝六週年的前夕，我用他老人家聽得懂的話，寫下這篇文章來紀念、思念他。

這篇文章是寫我的隔壁鄉──台中縣的故事、人情佮風景，因為我雖然蹛佇台中市，但是讀高中、研究所攏佇台中縣，而且食頭路的時，嘛開真多時間佇遮，所以我對伊有真深的感情。
這篇文章號做「海鄉」是因為，文章提起的所在攏佇台中縣的海線，按省道就會當踅一輾。
沿途，會當看著足濟關於土地的風情，嘛會使拄著一寡仔老朋友。
風微微仔吹，人情卻是滿滿的！

夢中的大瓦厝是為著欲書寫細漢時陣的性命經驗，雖然攏是非常平凡的小人物，但是，逐家心中的愛，攏是真實而且感人的。

土地認同，應是一個國家國民最基本的認同。作者藉由日治時期第十九任總督明石元二郎墓地之重現，探討殖民政權對殖民土地認同之情。而身為台灣母土一份子的我們，應由土地之認同，思考如何安身立命，創造賴以生存之土地的新文化。

藉著對金瓜的認識，書寫佮大漢阿媽的感情。記持中，有笑聲、有趣味。有目屎、有感傷。感傷時間流洩的無奈，人生生老病死的傷懷。

南部的故鄉這陣賰阿桑、大兄兩个人蹛佇遐，我佇北部食頭路、娶某生囝，一冬無轉去幾擺。細漢四界走的庄跤景緻，留佇記持的上內底，其中，阿桑辛苦勞動的形影佔誠大部分。這馬，阿桑已經無閣少年，我想欲共較早記持內底，阿桑佇我的目睭內，永遠懸大的形影寫落來，表逹我的感謝佮敬意，嘛欲佮佇細漢發生的一寡仔代誌做一擺和解。

我是一个台語文的支援教師，和囡仔做伙集體創作的過程，趣味好耍，想欲共記錄落來，和所有的台語文有志，做伙分享！

我的父親，長期為憂鬱症所苦，今年，他用自殺結束了六十六年的生命。儘管他的名字中有一個「勇」字，但面對困境，他已無力去「勇於承擔」。親友的難過與不捨，在張羅喪禮的過程中，一次次的被觸動。於是我把眾人對他的懷念，寫成了這篇悼念文，並於告別式中誦讀。
當人嚥下最後一口氣，是結束？還是另一個開始？我不知道，卻由衷希望，它是苦難的結束，重生的開始。如今，他已踏上幽冥之界，我，以筆抒情，化悲慟為聲聲祝福──送他最後一程。

現此時筆者當咧寫有關「外家」的論文。
筆者發現「台南風俗」有特別的所在，尤其是這寡俗語佮人情義理攏有真深的教示。
近來有關「綠卡」風波，引起筆者想著用「後頭厝」的連想，來化做這的人心肝底的對話。