精神病患者佇咱的社會一直是1个真弱勢的團體,因為大腦破病,致使佇症頭夯起來的時,行為佮思想攏真偏激,有當時仔為著欲保護家己,不時嘛會刺夯夯,親像三斑的咧抐濁水,予人歹鬥陣的感覺。

　　因為社會大眾對in的誤解,有時會將in當做是「麻煩製造者」(troublemaker),媒體若咧報導相關新聞事件,有當時仔閣會講in是『不定時炸彈』。其實大部份的精神病患者(友善的講法是:身心科患者)經過治療,照醫生吩咐規律食藥仔,攏會當得著控制,in佮咱仝款攏真友善,能力嘛袂輸正常人,佇精神病被「污名化」的現此時,in真需要社會大眾的接納佮體諒。

　　寫這篇文章,是欲予大眾知影:精神病患者佇咱這个社會生存就親像八卦紅生佇沙漠仝款,佇in刺夯夯的tīng觳內底,其實攏有1粒真柔軟的心。

現職：復興國小/屏東女中台語老師

　　純然閩南語漢字敢會當完成一篇小說？投入本土語言教學研究以來，這一直是我追求的目標。一路行來，感謝閩南語台羅音標先行者董忠司教授引領我體悟閩南語漢字的優美；以及，中興台文所指導教授朱惠足老師為我拓展文學視野。尤其是教育部線頂辭典予咱用字更加準確、利便，這是咱這代人才有的福利。向望家己會當繼續精進，實現以閩南語漢字寫詩、作文的文學夢想。

現職：國小教師

　　感謝所有牽教我使用母語創作的人：阮阿母，自我細漢就講真濟誠有智慧的台語俗諺，共阮這陣囝兒序細鼓勵，予阮佇散赤的環境中，猶原有向上拍拚的意志；原本的臺中市本土語言輔導團何志平校長佮秀娟、孟宜、純瑩、蘇玲這幾个好朋友互相鼓勵、互相扶持，予我佇母語文學創作的道路上，愈行愈堅定！

　　現此時，母語文學的創作是一條較少人咧行的路，路上有真濟坎坎坷坷愛去面對，創作的人真少、咧閱讀的人嘛無蓋濟，向望有一工，阮若閣參加比賽，欲著獎是愈來愈困難，按呢就代表本土語言文學的創作，已經行出一條有前途的大路。

　　歡迎所有對本土語言的復振有使命感的人，逐家做伙來，加入母語文學創作的行列！喙講爸母話，手寫台灣文！

現職：臺中市何厝國小教務主任

哈哈.....我無想beh用寫--ê，我愛beh kōo rap--ê...Rap ê內容佇下跤，諸君若有閒thang來拙者ê blog罔行踏，凡勢我會錄音hē tī hit頂懸。（http://blog.roodo.com/senghian）

有人問我故事　是啥內容

我講文學創作作者　罕得拆白講

問我創作動機我講　其實頭gông-gông

啊to早起咧欲精神 夢著柴球無普通

So should I tell ya more

just like something out of the pores.....Gross?

At least I’m not gonna make you bored.

And I ain’t doing something like a chore. Hey man!

Don’t you worry, we don’t diss. Be my fan!

You should know that I’ve written a great story

in a language well ha ha you can never beat me.

運命運命實在真正 大phiann

拄手的確真oh 所以只好 gâu牽拖

啊就有人做歹咱sian戰 戰袂贏

總--是蜈蜞咬蛤猴陣猛虎嘛會知驚

咱若激做恬恬眾人攏著直直拖磨

想欲徛出來拚啥人　了解咱心tsiânn

So should I tell ya more

just like something out of the pores.....Gross?

At least I’m not gonna make you bored.

And I ain’t doing something like a chore. Hey man!

Don’t you worry, we don’t diss. Be my fan!

You should know that I’ve written a great story

in a language well ha ha you can never beat me.

社會國家人類運命個人 按怎擔

設使反抗直直碰壁敢愛 phe性命

講著個人都有責任 為著別人愛犠牲

犧牲兩字看著歹寫欲做　感覺會凝

若放棄所有一切 眾人不明 心疼規爿

這款複雜錯亂心情　講古敢說會分明

OK！動機講煞--ah～So everyone, stay cool! Excuse me!? You don’t speak Taiwanese fluently and you’ve got no idea about how to write in Taiwanese? Oh, that’s lame, dude!

喔！會喘neh！　欲來去讀論文--ah。Peace！

現職：學生

　　真感謝閩客語文學獎這個舞台予阮兩个的作品受著評審的肯定，予阮信心!嘛希望後擺會使閣繼續投稿，創作出閣較優秀的作品，為著推廣本土語言盡一份心力!向望逐家做伙來參與。

　　真歡喜阮對臺灣文化的熱愛會使予人看著，臺灣有誠濟美麗的所在佮趣味的風俗，向望有愈來愈濟人鬥陣來關懷。

現職：學生

　　這个故事，是20外冬前，我做兵的時，所拄著的代誌。想袂到經過遐爾久的時間，軍中的人權，猶是無進步；部隊的領導，仝款無人性。這款的軍隊，欲按怎守衛國家？欲按怎保護人民？

現職：台文筆會理事

台文to-si 愛tiānn-tiānn寫，一直寫!

Ta̍k-ê lóng 來Ai-Tai-bun NEWS 做伙寫!

1kang寫1句，kā身軀邊趣味ê代誌寫落來，

Hōo做伙寫ê朋友知影lín hia ū 啥米NEWS ，

Tī Google 揣 ATB NEWS to 揣會著! 緊來哦~~

現職：ATB NEWS Co-editor

　　除了感謝抑是感謝！多謝主辦、承辦單位對文學比賽的付出、多謝評委老師的賞識、多謝天兵天將團兩位好朋友佮團長老師的扶持，多謝我辛苦的腰子(啉一堆咖啡)。

　　目前寫的短篇小說，每一篇對我來講都是新的試驗：進前bat寫過科學佮佛經、戰爭佮回憶的題材，和這擺色水佮大腦的懸疑故事，雖然寫kah規頭白頭毛，毋過會當共腦海中所想的，由點成線然後發展成面，變成完整的故事共大家分享、佮大家產生靈魂的連結，是一件真使人歡喜的代誌。

　　講到連結，我會記得高中的時陣，有一擺佮兩個同學偷走學，無去晚自習，sô去運動埕啉咖啡開講；我問in圓、三角閣正方形分別應該是青色、紅色、黃色佗一色?結果，阮三个人的答案攏無仝。

　　所以，濟年了後，特別寫這篇小說欲來共大家洗腦…講耍笑的！

　　祝福大家健康、快樂！

現職：藍色巨人