第九屆教育部閩客語文學獎閩南語短篇小說類教師組 評審感言

  撰稿:宋澤萊

2023/2/26

– – – – – – – – – – – – – – – – – – – – – – – – – – -《閱讀全文》

  第二名　賴文星《 阿母，你歡喜就好！ 》

　　一枝草一點露，天無絕人之路。

      會當用家己阿母教的母語，共家己阿母的故事寫出來，是足心適嘛足驕傲的。我的阿母佮真濟田庄婦人人（hū-jîn-lâng）相仝，做人勤儉、拍拚、知足、順天理，無翁婿通好倚靠，靠家己種葡萄才五冬爾爾，就有法度種甲出頭天，予伊活甲閣較有意義、有尊嚴、有價值、有希望，這就是臺灣人的「儼硬」精神。

　　小說內底有鋪排一寡現代人會拄著的議題，親像：「長照問題」、「兩性平權」、「理財觀念」、「厝價問題」、「農產品運銷」……，向望予逐家會使好好仔想看覓咧。

　　頭一擺用閩南語來寫小說，猶有真濟所在寫了無夠幼膩，誠感謝評審老師無共我棄嫌，會當予我著獎，我嘛共這个獎獻予我上敬愛的阿母。

– – – – – – – – – – – – – – – – – – – – – – – – – – -《閱讀作品》

  第三名　廖張皭《 天頂的虹 》

 　　感謝評審老師，感謝阮厝裡的人，特別是阮翁，佇我無暝無日咧寫文章的時，毋但鼓勵我，閣替我攢飯菜。會寫出〈天頂的虹〉這篇臺文小說，上愛感謝的是出現佇我的性命中，陪伴我16冬的寶貝狗仔，若無伊，我的寶貝查某囝Grace，就無這篇文章。

　　天頂的虹是咧講愛佮失去的故事，面對離別、面對失去所愛是足痛苦的，寫這篇小說的時，我定定跋落思念海，uân-nā寫uân-nā哭，故事寫suah，逐擺讀，目屎仝款tsih-tsài袂牢閣liàn落來。這个性命故事感動我，嘛希望會當感動讀者，引𤆬咱思考濟濟性命的議題。

– – – – – – – – – – – – – – – – – – – – – – – – – – -《閱讀作品》