第九屆教育部閩客語文學獎閩南語短篇小說類學生組 評審感言

  撰稿:胡長松

– – – – – – – – – – – – – – – – – – – – – – – – – – -《閱讀全文》

  第二名　林子瑋《 得有 》

　　2003年春天，阮出世佇彰化縣溪州鄉，「得有」這个題目窮實著唸「tit iú」，為怎樣我會按呢落題目？因為佇阮捌代誌開始，看阮阿公日常就是攏恬恬、真興去食酒，頭先阮嘛無理解講是按怎阿公欲按呢損蕩家己ê身體，bué-lâu來才知影彼是彼沿ê查埔人解憂愁上有效ê方法。阮阿公名號做「德有Tik-iú」，名是阿祖講生三个後生「群龍得有三寶」，阮阿公排第二，總是，叫「得有」名寫起來無好看，所以後來號「德有」，原仔阮真感謝阿公陪伴阮12冬，佇我國校六年彼陣，阿公離開人世間。

　　這篇小說主角、講話--ê是阮阿公，彼是國校彼陣我定定和阿公開講，阿公和阮ê對話。可能遮有寡物件老爸彼沿、甚至阿媽嘛攏毋知，阿公是一个心事攏囥佇心內底ê人，這馬閣想起來，我會感覺毋甘。

　　這是阮第一篇小說作品，嘛是2023年tńg-lâi Tâi-gí-hē我感覺家己該當就愛完成ê一个任務，家族仔內面，偌濟怨恨、疼惜、悲傷、鬱卒……這攏thìng-hó成做性命ê養份，內底嘛會當看著一寡阿公ê虧欠，伊 ê 名意思是「得有」毋過家己煞感覺「虧欠」，人生咱到底欲愛追求--ê 是啥物--leh？

　　寫這篇作品m̄-nā欲寫故事，嘛想欲透過這个方式去和這馬少年人講咱有影愛換一个角度去體諒咱ê序大，in有in生長ê時代背景，就是因為按呢，in今仔日有彼款性地、脾氣。這篇小說是阮這口灶彼一兩冬吵家抐宅、無安寧彼段，總是彼段阮猶國校三年，規个歇寒（寒假）予這tsân代誌舞甲根本就無歇著，會怨厝內人無？阮欲照實講，頭先會，毋過閣較捌代誌了後，我感覺著共伊寫落來，彼是性命獨一無二ê養份，人攏講我ê個性、脾氣「老起來等」，可能佮這嘛有關係--lah！

　　高中二年，「影像閱讀」老師tshuā阮去電影院看「超級大國民」電影彼擺阮印象真深，我看著彼款影像描述手路，主角因為白色恐怖受著迫害出獄攏恬恬、心事無人知，若像看著阿公ê背影，所致日常我攏會一tsân代誌做煞，思考、閣再反省幾若遍，這篇小說是用類似ê手路去寫--ê，阿公在生無講出喙--ê，我這个做孫仔--ê，寫落來--ah！阿公，你敢有看著？

　　這擺著等，真感謝嘛真感動，阮阿媽佇今年，2024舊曆過年前嘛來離開人世間，我是阿公阿媽tshuā大漢--ê，和阿公阿媽真有話好講，真毋甘！寫，是記錄人生，彼段雖然阮猶是囡仔niā-niā，毋過攏有leh看--lah！家和萬事興，代先咱需要去為厝內每一个人設想，若攏事事項項看一个方面niā-niā，按呢可能厝內永遠袂安寧。

　　世事袂得圓滿，人生僫得齊全。阮認為踏出去每一步所留落來ê跤跡phīng代誌ê結果閣較重要！上尾，若是今仔日阮閣會當見著阿公阿媽，阮會想欲對in講：「阿公、阿媽，感謝有恁陪伴、疼痛，若無恁，阮毋知影遐爾仔濟做人ê道理，好來好去、毋通看人無，這是正經上重要--ê，嘛是恁實際做予阮看--ê，未來，雖然無恁ê陪伴，毋過阮會用恁對阮ê彼款疼惜，去疼惜別人。團圓做伙，誠懇交陪！」繼續寫，寫咱ê心聲、用咱ê氣口寫落來！嘛邀請逐家！

– – – – – – – – – – – – – – – – – – – – – – – – – – -《閱讀作品》

  第三名　雷翔茲《 菜子人生 》

　　細漢時坐佇門口庭聽阿公講故事，大漢了後故事變成美麗的文字。

　　經歷過數十次文學獎洗禮，中文寫作對我而言是日常，也拿過母語詩首獎，但是以母語寫小說為初次嘗試，感謝評審給予獲獎機會，需要學習的地方還很多，將努力鞭策自己。

　　〈菜子人生〉是漁村女人的寫照，故事原型來自鄰居阿媽真實的人生，背景為彰化最北邊的魚米之鄉——伸港，寫玉桂阿媽終其一生為婚姻奉獻的過程。漁村的女人婚後從夫、夫死從子，燃燒自己至灰燼，命運猶如菜籽般隨風飄，落土就生根成長，透過書寫我看見不一樣的臺灣早期社會，女人堅韌的生命力。

– – – – – – – – – – – – – – – – – – – – – – – – – – -《閱讀作品》