俗稱「媽祖魚」的「白海豬仔」是這篇「海洋」生態散文的主角，阮一陣臺中港漁會「白海豬仔生態教室」的保育志工，坐船出海去走揣只賰百外隻的白海豬仔影跡，想袂到「空走」一逝，一爿失落海豬仔哪會「無影無跡」；一爿歡喜海豬仔無現身較無危險。心內煞產生這種「留白」的雙重感受。
我臺文創作裡真罕得寫散文，想袂到會得著教師組的第1名──成績無「留白」的失落，卻是有百倍的歡喜。予我對臺文寫作的信心釘根親像大樹；予我佇臺文寫作的領域曠闊親像活海！
感謝評審的肯定，感謝白海豬仔予我的肯定。福氣啦！足感心！！

現職：臺中縣梧棲國民小學 教師

為著欲證明愛臺灣毋是一種口號，這一兩冬來，我臺灣行透透，每一个鄉，每一个鎮攏予我真感動。堅實的聲音，純樸的力量，佇咱上敬疼的這片土地生湠，我想用臺灣的筆寫咱的故鄉，這是天公地道的代誌，朋友--啊！毋通閣躊躇--囉！

現職：高雄縣中山工商教師

有人說：人到中年，童年的回憶反而更加清晰、歷歷在目；不管當時是歡樂、悲傷，在記憶中都逐漸化為甜美的滋味！
臭豆腐是我的雙親撫養我們7個兄妹長大的「生意夥伴」，我的童年生活就在洗臭豆腐、炸臭豆腐、切臭豆腐的循環中度過。「它」曾經使我極度厭惡，因為菜市場的人都叫我們-臭豆腐的囝；長大後「它」也使我感到光榮，因為我們幫父母親照顧臭豆腐的生意，長輩都稱讚我們懂事！
曾經試著以華語寫作這篇──臭豆腐的滋味，卻始終無法完成，心裡的疑惑不斷累積！此番以閩南語書寫，諸多的回憶、情感不斷湧現，卻又不知如何停筆，只好以如此冗長、累贅的面貌來問世，只有留待日後再行剪裁了。

現職：臺中市何厝國民小學 教師兼輔導室主任

真感謝評審hōo我這擺ê機會，mā感謝系上ê老師tī創作ê過程中hōo我ê指導，各位hōo我ê肯定hōo我koh kah有信心tī台語文學創作這個領域。
這擺ê創作拄tio̍h真濟ê困難，tī寫作ê期間不幸去拄tio̍h車厄，受傷暫時無法度koh再繼續進行，傷勢原全了後因為時間距離siunn久，suah揣bô彼當時創作ê感覺，想欲放棄寫作，佳哉有老師koh同學ê鼓勵，hōo我堅持落--去，才會得到這擺ê肯定。
這篇文章iah koh有真濟不足ê所在，我會koh khah phah拚，tī寫作ê方面繼續下工夫落--去。

現職：中山醫學大學 臺灣語文學系四年級

現職：國立臺灣師範大學 臺灣文化及語言文學研究所 博士班

佇遮，我上應該感謝的就是烏肚鳥仔（黑腹燕鷗）──無親目睭欣賞過，欲哪有機會完成這篇文章？
順紲共逐家報告今年烏肚鳥仔上新的情形：10月底聽講數量誠濟，所以看鳥仔的人又閣來囉；11月轉去厝的時陣我有去看，毋過數量敢若無偌濟，而且離岸誠遠咧飛；這馬咧？無毋著！In又閣無去啦！講起來，阮所有去攪擾著in的人攏愛負責任；想起來，阮家己嘛感覺真歹勢……
抱著複雜的心情，最後，猶原是彼句心聲：烏肚鳥仔，望恁閣再來！

現職：臺灣師範大學臺灣文化及語言文學研究所碩士班一年級

過去因為發表的舞台足少，臺灣母語文學的創作多年來相當孤單。
2008年教育部頭一擺舉辦母語文學創作獎，我的短篇小說〈甘願做牛〉，得著臺語社會組第3名；處女作就得著名次，是真大的鼓勵。
這擺是第2屆，我改變文類，用我對故鄉高雄愛河的童年回憶，寫這篇臺語散文〈愛河童誌〉投稿；想袂未到會得著社會組第1名。這對我此後的臺語文寫作，除了鼓勵，嘛是壓力。
希望這個母語文學獎會當繼續辦--落-去，毋通停！
希望臺灣母語文學更加發展進步，繼續加油！

現職：臺北市雨聲、士林、天母國小兼任臺語支援教師

2009年是我人生上暗淡的一年。Tú知影著癌的時，目屎to púe猶袂lī--咧，4工後閣發生「88水災」。
遐爾濟人佇這場災難當中失去性命，遐爾濟家庭因為按呢來破碎，我想著家己雖然著癌，上無目前的醫療閣有法度予我加活--幾-年，阿in遐一目nih就來失去性命的人，煞無法度閣體會性命的好，心肝頭就替in艱苦。
「生死學」是逐家攏愛修的一門功課，既然閣會喘氣，就愛好好仔活，這是我破病以後上大的體會。

現職：屏東縣復興國小 母語教師

還記得年初時離開臺灣，駐外的時間；外交工作很是艱難──但一定得做。年底返臺匆匆忙忙之中寫下了散文〈細漢姑仔〉，母語創作的精神不能斷，那是阿公和阿母留給我的文化資產，那年的颱風老家沒了；這是我唯一能做的。去年小說得獎今年返臺時間太趕，希望老師們原諒，明年我會繼續加油。
草山的臺灣藍鵲成雙，影出夏日午后的情懷，讓我們一同分享台北盆地多餘的芬多精。

現職：個人工作室負責人