【客家語】散文
【學生組】
第一名 陳美燕《五十歲个留學生》
承蒙教育部主辦閩客文學獎，感謝各位辛苦个評審先生恁相惜。
𠊎對2013年開始用母語海陸腔來寫文章，記錄對家鄉个回憶摎現下个生活。堵堵開始个時節盡毋慣，愛經過中文思考正來翻譯做客語。但係，寫一站時間了後，漸漸尋轉客語思考个模式，目前做得自由自在將自家个觀點、想法摎經驗用母語寫出來，實在當歡喜。
〈五十歲个留學生〉係幾年前𠊎去日本留學个經過，恁多年過忒，這下𠊎本本還係學生仔。感謝一路來指導𠊎个先生摎鼓勵𠊎个朋友。客人愛多用客語來寫知識、文學，跳出生活語言个範圍，不但係傳承客家个方式，也可以提昇客語个地位摎價值。
第二名 張捷明《尋聲》
這係一篇報導散文，承蒙評審分這種硬題目鼓勵。
2013年客家電視新聞報導，北桃園沿海个學老鄉鎮━━大園，經過客委會調查，客家人口个比例既經接近三股一股，故所指定為「客家重點發展鄉鎮」。這則新聞引起當地民眾疑狐，這搭仔係學老語強勢區，仰會好好个學老語莊，過一暗晡嗄變成客家莊？
算來
俚仰般認定客家人？用血統？用語言？客話在這係興係落？這分𠊎想著歸隻臺灣个客話處境。雖然客話有幾隻集中區域，毋過，歸隻社會、影視媒體，客人摎客話仍然在興滅个十字路口，分人感嘆，故所寫出來分大家共下深思。
第三名 王倩慧《和挼个山》
人生除了讀書、寫作、柴米油鹽之外，還能擁有一方讓心休憩之處；累了，可以好好的讓身心休息，醒來後，再輕鬆的創作。感謝生命中的貴人們，不分族群、不分職業。
