現代詩
《社會組》
第一名 劉玉蕉《老屋》
時代變遷，人類的腳步無停歇，便捷的交通，為以往的「田莊」帶來了人潮、車潮，塵囂背後，一座座古厝即在「怪手」的摧殘下，應聲倒地，片瓦無存。塵煙瀰漫中，說是人類文明了、進步了，然而失去的何止是刻骨銘心的記憶。
倚閭而望的父母，千百回在夢中魂牽夢繫，「老屋」聲聲呼喚，是返家時刻，「家」卻已不復存在，少不更事時，那些理所當然的點點滴滴事，至今是遙不可及的夢境，想忘，忘不了；欲棄，捨不得。「老屋」所要表達的即是這種情懷。
第二名 翁茂逢《裁員》
承蒙主辦單位摎屋下人鼓勵相惜
這係吾真實个故事，乜係自家感受
用母語寫下出內心心聲，乜認識盡多客語文字
中年「裁員 失業」回想起來會「驚」，
上臺係一種肯定，乜係一個盡大个鼓勵！
這擺文學獎係讀中央大學客家學院研究所个妹仔，
喊𠊎摎心情用客語表達出來，
𠊎失業中盡承蒙吾餔娘體惜支持
像佢講：「莫忘初衷，時時惜福」
希望儕儕愛惜自家目前个崗位、職責摎頭路
這喜悅成果𠊎會分享分大家
現職：製造業-工程師
第三名 葉國居《電子輓聯》
謝謝主辦單位，近二年來，我嘗試以母語寫作，雖然未臻純熟，但踏出一步，就覺得心中踏實無比，我想我必需更認真一些，畢竟，母語的弘揚，需要更多人來共同參與。
現職：公職
客家語現代詩社會組評審感言 / 陳寧貴
豐沛多彩个客語現代詩
1 老屋
這首客語詩寫老屋，一氣呵成，寫到迴腸盪氣，雖有部分華式客語个小缺點，大體來講係不可多得个佳作。這首詩開頭用恁樣來描寫老屋 ：「夢中个老屋，係海面項等入港个船，在絲絨藍衫个海竇肚，滉激啊滉激，激出碎銀樣个浪花，係阿姆个乳水」，盡像一下間分人跌入頭擺懷念時光，老屋毋單只係老屋，係一切曩擺懷念个象徵。夢乜毋單只係夢，夢係盼望个象徵。作者意象一轉，過再深沉寫：「夢中个老屋，係爺，係哀，正身閃光个窗門，係厥等盼望个目珠，千盼萬等，眺望田坵个該頭，遠方閕翼个子兒啊，哪久時，照得著若等轉屋个身影」，老屋係爺係哀，係盼望个目珠。毋過，老屋會舊陋，壁扇會必缝，親像係阿姆圓身个皺痕。到尾：夢中个老屋同阿姆無咧，山頭个塚埔，遠望野草莽生个老屋，風知得，代佢傳達這永久古老念想。---分讀者忍毋核同聲大道嘆！
2 裁員
《裁員》關切社會現實面，分人感傷著驚：「一張紙仔膏在壁項 大字寫工廠因為仰般……因為仰般....故所愛.. 自家唸 唸 唸 唸 ：𠊎毋信，有吾名！𠊎毋信，有吾名！ 仰會係𠊎！仰會係𠊎！」裁員个消息一公佈，得人驚个揚蝶仔效應，黏時就爆發開來：該央時，像分雷公打著，頭那暈暈腦疺疺，踩踩踏踏、打激顫講毋出話。食毋落、睡毋忒！愐起細人仔恁細，愛註冊、屋仔愛貸款、還愛過日仔…愛恁多錢！一屋大細擔頭還恁重！當得人畏！作者寫出被裁員者內心著驚盡深世界，乜講出大眾愛關懷个社會弱勢面相，本詩缺點係散文化，文字描寫做得可較精煉。
3 電子輓聯---記叔公太个告別式
電子輓聯---記叔公太个告別式，寫出新時代个新詩，厥叔公太以前在世時節摎人寫輓聯，楷書字正正盡有禮貌，寫隸書，雁尾就像一支刀仔，痛心時節會割人心肝，無愐著現下叔公太个告別式，用个係電子輓聯同愛響毋響个電子紙炮，本詩優點係使用新題材寫出新時代變化，缺點係散文化。
結語
這屆參賽客語現代詩，毋單只客家族群，別个族群乜來參加。客語分較多社會大眾關心學習來書寫係盡好現象。這擺參賽作品大致水準當好。毋過，名次有限，難免遺珠之憾。參賽作品雖然有華客夾雜，用毋堵好客語字，感覺毋罅原汁原味，但係瑕不掩瑜，作者未來創作量增加後，定著會改善這兜缺點，使得作品客語文字過較精準。
