散文
《教師組》
第一名 徐姿華《桂花無風十里香》
使得用自家个母語－大埔腔客語來書寫，盡感謝一路來鼓勵𠊎、指導𠊎个登志先生、玉蕉先生，還有共下研究教材个教授同好朋友，也愛感謝總係無條件支持𠊎个屋家人，十分勞瀝「閩客語文學獎」，分𠊎這個鼓勵。文章肚个阿貴嫂斯係吾姆，佢一生人樂觀認真，用盡好个身教來做模範，分吾等世細好學習，厥个義行也在莊肚流傳。謹用這篇文章紀念在菩薩身邊修行个阿姆。
現職：苗栗縣苑裡鎮山腳國小教師兼訓育組長
第二名 張瑞玲《同鳥做朋友》
首先，愛勞瀝「閩客語文學獎」，分𠊎有機會用自家个話寫自家个生活。也勞瀝滋養𠊎个大地萬物，分𠊎有創作个動機同內容。
往擺，總係用客話替學生修改比賽演講稿。別儕个事情、別儕个心情，寫來總感覺著寫無落心肝肚。這到，使得用盡熟絡个語言，寫自家个生活、自家个感覺，有一種講毋出親切个感覺。
得獎，係鼓勵、乜督促𠊎煞猛向前，勞瀝評審先生个牽成同鼓勵。
現職：臺中市東勢國小教師
第三名 吳餘鎬《泥磚屋》
風雨後頹圮的泥磚屋是我幼時溫暖的家，提筆寫作時有許多的回憶和更多的不捨，即便是在物資不豐厚的年代，那裡卻有滿滿的愛──慈愛我的父母，疼愛我的兄弟姊妹──那是我們的全世界，雖然那只是客鄉中毫不起眼的一椽老屋。寫它能得獎，當然要感謝評審的肯定與青睞，更要感謝生養我的父母與豐富滋養我的客家大地。
現職：新生醫專兼任教師
客家語散文教師組評審感言 / 羅秀玲
這擺參加客語散文个教師組來講，有十一篇个作品，逐个作品都有佢个風格，有徵文啟事類个、故鄉感念、自然地理同生活情感這兜…….散文个寫作，就內容來看，大家投稿寫个文學作品都寫來盡用心，我手寫我口，這係評審先生認為值得讚賞个，但係愛仰仔表達、仰般同故事精采呈現，就愛看各儕个功夫了。
經過評審小組个討論，第一名个係〈桂花無風十里香〉，寫出麻竹坑莊項个阿貴嫂个人生故事，賢孝又煞猛，還去做志工奉獻服務个精神，值得分人尊敬。
第二名个係〈同鳥做朋友〉，書寫个客語能力異好，係一篇描寫自家買田地整理，種果樹種花个心路歷程，文句流暢，有自家个體會同感受。
第三名个係〈泥磚屋〉，通篇刻劃泥磚屋个描寫當有圖像感覺，但後半段對話有一息仔複雜，有運用小說對話个形式出現。
客語文學書寫正開始無幾久，希望大家共下來參與，同教師組个朋友來勉勵，愛繼續寫下去哦!
