散文
《學生組》
第一名 鄭雅怡《Siàu-liām Châi》
現職：臺師大臺文系博士生
第二名 林曉瑛《阿英仔》
誠感謝評審先生予我的肯定。人生行到這ê坎站，有機會閣轉去學校讀冊，欲共家己身軀邊的故事寫落來的想法，就一直佇咧頭殼內轉踅，只是對家己的文筆無啥有信心。寢頭攑筆寫的時，往事就一幕幕浮在眼前，有歡喜、有悲傷、有痛苦、有快樂，逐項代誌就親像是昨昏才發生爾爾。幾若擺強欲寫袂落去。這擺有評審的鼓勵，我會繼續將我的故事用咱的母語記錄起來，留予我的囝兒序細。
現職：國立新竹教育大學語研所碩二、苗栗縣竹南國小閩南語教師
第三名 王倩慧《滬尾暮色情紛紛》
這是我第一次學習臺語，嘗試寫過兩篇臺語詩，而寫散文的時候，滬尾的「臺味」好像從很遠的地方飄了過來，於是寫下這篇散文。
對於不太會說臺語的我，回報給臺灣這塊土地的，第一個是文字，「情紛紛」的文字。
現職：學生
閩南語散文學生組評審感言 / 中山醫學大學臺語文學系副教授 何信翰
學生組的徵文對象是大學生、碩士生kap博士生，其中有袂少是已經有豐富的寫作經驗。所以並毋是親像名(學生組)tsiah-nī-á初學–事實上，學生組作品的水準，無論是臺語iah是文學性，完全無輸另外2組。
這遍學生組第一名〈Siàu-liām Tsâi〉是一篇追思性質的文章─總是追思的對象毋是人，是伊飼的piat-tooh(『寵物』)。文章真精彩，尤其是主角將狗當做人仝款做月內的彼段，予人看kah起愛笑閣感動。
第二名的作品〈阿英仔〉和前輩作家張聰敏的長篇小說《阿瑛a》類似─當然內容是無仝的，〈阿英仔〉寫主角一直過艱苦的生活，總是無失去向望。
第三名的作品〈滬尾暮色情紛紛〉寫的是街頭藝人，充滿人文的關懷。
學生組原本佇「本土語言文學獎」(閩客語文學獎的前身)kap前幾屆的閩客語文學獎投稿的人攏真濟，也有真濟大學生來投稿。總是這幾年投稿的篇數一年khah少過一年，大學生的比例也漸漸降低。語言的死亡和少年囡仔無閣使用有真密切的關係。這个現象值得主辦單位─教育部思考。
另外一方面，有心發展臺語的人也應該認真寫，除了累積家己的臺語資本，嘛予社會大眾看著好閣濟臺語作品。這對臺語/臺語文學的發展攏會有真好的幫贊。
最後，這遍散文組3位評審之一的廖瑞銘教授，佇評審的過程身體就一直欠安，評審工課結束了後無幾工suah雄雄來過身。佇遮也向一世人為臺語文學拍拚的廖教授致上敬意kap追思。
